क्षणभंगूर
पळतोस माणसा, का दुःखापासून दूर?
आनंदाचे क्षण वेडे, असती क्षणभंगूर..
शिकलास तू हसणं,
दुस-याच्या दुःखावर,
स्वतःच्या दुःखासाठी,
का देवापुढे पदर?
हसता हसता रडशील,
मग वाहेल अश्रूपूर.....
दुस-याच्या डोळ्यांमधल्या,
अश्रुंना पाणी म्हणतो,
स्वतःच्या अपयशावर,
इतका का तू कण्हतो?
गा-हाणे का नभाशी,
तुझाच असे कसूर....
द्यायचे असेल इतरांना तर,
हास्य दे क्षणाचे,
द्वेषाच्या भिंती तोडून,
जोड दुवे मनाचे,
हरवलेल्या स्वरांना,
गवसेल मग सुर....
-विक्रम वाडकर १-१२-१४.
Comments
Post a Comment